Nunavut Katiqhuiviat taaksiiyautilgit, utiqtitaulaittut, Kanatami Katiqhuivik aullaqtitauhimayuq 1990-mi
Amihuugaluaqhutik ihumaalutit Nunavunmi Angirutinit ilittuqhitiyauvaktut ataaguuqtut havaaghainik aallat Nunavunmi timiqutit, Ilangi 25, 29, 31-lu kitunikiaq ilittuqhitivaktuq ihumaalutauvaktunik makitittiniqmut Katiqhuivingmik akiliqtauyughallu Katiqhuivingnut. Angirutinut Akiliqtaghat akiliqtauhimayut hivituyumik 15-nik ukiunik. Katiqhuivik akiliqtauhimaittuq tamatkiumayumik akiliqhiqtaghainik Angirutinit Akiliqtaghanit titiraqhimayutut Naunaitkutaq 29-2-mi Angirutinit taapkua Kavamatuqakkut Kanatami pihimagamigik ilangat ukiumi akiliqtauyughat Angirutinit Akiliqtaghanit akiliqtuutighait ilanganik nauvalliayut Angirutitaarahuaqtut Atugaanut nauvalliahimayuq nunanik nanminighanut angirutighaqhiuqtillugit havakvianit Inuit angirutitaarahuat timiqutainit, Tunngavikkut Katimayiit Nunavunmi (Naunaitkutaq 29-3). Angirutinit Akiliqtaghat naallugit talvanngat Angirutitaarahuat Atugaanik Akiliqtuiyut naallugu Maniutigiyait Angiyut Katiqhuiviit.
| Angirutinit Akiliqtaghat Angirutitaarahuallu Atugainut Akiliqtauyut | ||
|---|---|---|
| Ukiuq Maniutit Piyauhimayut | Naallugit Tuniyauhimayut | Angirutitaarahuat Atugaqnik Akiliqtuiyut |
| 1990 | $2,000,000 | $0 |
| 1991 | $1,000,000 | $0 |
| 1992 | $0 | $0 |
| 1993 | $79,307,736 | $0 |
| 1994 | $50,895,504 | $2,913,834 |
| 1995 | $67,860,673 | $3,885,112 |
| 1996-mit 2004-mit | $84,825,841 | $4,856,389 |
| 2005 | $67,860,673 | $3,885,112 |
| 2006 | $50,895,504 | $2,913,834 |
| 2007 | $34,617,895 | $1,942,556 |
Ahiagut manighaqhimaittut Katiqhuivingnit kinguani kingulliqpaaq Angirutinit Akiliqtauyughat May 2007-mi. Talvuuna Katiqhuiviit havaaghainik iniqhiyughat manighaqhiurutaigut havaaghaigut.
Taamna Katiqhivium atiliqhiyia, inuuyuq maligaliqiyikkut aullaqtittivaktuq katiqhuivingnik, maligaliqiyiuyuq apiqhuiyinit havaktitauyuq kivgaqtuqhugit Inuit titiraaghaigut aullaqtittipluni tamangniklu ihuaqutauyukkut titiqqakkut aulapkaiyaamik Nunavunmi Katiqhuivingnik. Aullaqtittitaaramiuk katiqhuivik, atiliqhiyuq aallamik havaaghaittuq aulapkaiyaanik Katiqhuiviit.
Tamangnik katiqhuiviit qimmakuuqtauyughalgit kivgaqtuqtauyunik talvuuna katiqhuiviit nanminiit munaqtauvaktut manighaqtitauvaktullu ihuaqtumit katiqhuivingnit. Aviktuqhimayumi Nunavunmi, taamna uqauhiq qimmakuuqtauyughaq ilittuqhitiuyuktuq inungmik nunataaqhimayumik talvani Nunavunmi Angirutainit taimaa ilaani ulamniutaulaaqtuq taamna uqauhiq atuqtaugaangami ihumagiplugu Nunavunmi Katiqhuivik. Katiqhuivingnit qimmakuuqtauyughat ataagut uqauhiit aulapkaiyaanik titiqqanit, Katiqhuivium nanminiliqutait Titiraq, atauhiinnauyughaq amihunikluuniit kuapuriissanik katiqhuivingnikluuniit, aullaqtitauyut nakurutighainut Inuit Nunavunmi. Inuit qimmakuuqtighaunngittut Katiqhuivingnit. Qimmakuuqtauyughat Nunavunmi Katiqhuivingnit maligaliqiyinit tikkuaqtauhimayut taimaa ataagut Katiqhuivium Nanminiliqutainit Titiraanit, taimaaluuniit, aniguqtitauhimagumi talvanngat Nunavunmi Katiqhuivium Katimayiinit taimaalu ilitturiyauvaktut Katiqhuivium qimmakuuqtauyughat timiqutaitut. Tajja katiqhuiviit malrungnik qimmakuuqtaghalgit:
Nunavut Tunngavikkut Timingat ilikkuuqtuq, Kanatamiutaq, manighiunngittuq, avvaghayuittuq kuapuriissauyuq havaaghalgit parnaiyaiyaamik aulapkaiyaamiklu Inuit munaqtaghainik titiraqhimayut talvani Nunavunmi Angirutinit taimaalu Kanatami Nunavunmilu kavamait havaaghainik iniqhiyaamik ataagut Nunavunmi Angirutit. Nunavunmi Iniqnirit Manighautainut Katiqhuivik Kanatamiutauyuq titiraqhimayuq ikayuqtiuyut havaaghalgit manighanik ikayuutinut qakugunnguraangat akiliqtuiyaamik piinnarianiktunut inungnut ukiuqaliqtunik 55-nik.
Qimmakuuqtauyughat timiqutit ikayuutighanik maningnik tuniyauvaktut taiyauvaktunik Katimayiinit Nunavunmi Katiqhuiviit kihimi atuqtitauyuittut munariyuittullu nanminiinik aulapkaiyaaniklu Katiqhuiviit. Katimayiit havaaghalgit munariamik Katiqhuivingnik aviktuiyaamiklu manighanik tuniyauyughat qimmakuuqtauyughanut timiqutinut.
Tamaita Nunavunmi Katiqhuiviat maniutait hailiyauhimayut tuniyauyughat ukiuq tamaat tuniyauyughat attiqtauhimayunut qimmakuuqtauyughat timiqutinut ataagut maliktaghauyut Katiqhuivium Nanminiqutaanik Titirautainit. Hapkua qimmakuuqtauyughat timiqutit ihumaliuqtiuyughat qanuq ihuaqnighakkut aturiamik maningnik tuniyauhimayut nakuruttiriamik Inuit Nunavunmi.
