ᓄᓇᕗᒻᒥ ᐸᐸᑦᑎᕕᖓ ᑖᒃᓰᔭᐃᔾᔪᑕᐅᓲᖅ, ᑕᓱᕋᒃᑕᐅᙱᑦᑐᖅ, ᑲᓇᑕᒥ ᐸᐸᑦᑎᔨᐅᔪᑦ ᐋᖅᑭᒃᑕᐅᓚᐅᖅᓯᒪᔪᖅ 1990-ᐅᑎᓪᓗᒍ
ᐊᒥᓲᓛᖏᑦ ᓄᓇᕗᒻᒥ ᐊᖏᕈᑎᑉ ᑲᒪᒋᔭᖃᕋᓗᐊᖅᑎᓪᓗᒋᑦ ᐱᔾᔪᑏᑦ ᑲᒪᒋᔭᐅᔭᕆᐊᖃᖅᓯᒪᔪᑦ ᐱᓇᓱᐊᒐᖏᑕ ᐊᓯᖏᑦ ᓄᓇᕗᒻᒥ ᑲᑐᔾᔨᖃᑎᒌᖑᔪᑦ, ᑎᑎᕋᖅᓯᒪᓂᖏᑦᑕ ᐊᕕᑦᑐᖅᓯᒪᐅᕐᓂᖏᑦ 25, 29 ᐊᒻᒪᓗ 31−ᒥ ᐱᓗᐊᖅᑐᒥᒃ ᑲᒪᒋᔭᖃᖅᑐᑦ ᐱᔾᔪᑎᓂᑦ ᐋᖅᑭᒃᑕᐅᓂᖓᓄᑦ ᐸᐸᑦᑎᔨᐅᔪᑦ ᐊᒻᒪᓗ ᐊᑭᓕᐅᑕᐅᔭᕆᐊᓖᑦ ᐸᐸᑕᐅᕝᕕᐅᔪᒧᑦ ᑕᐃᑲᓃᑉᐳᑦ. ᓄᓇᑖᕐᓂᕐᒧᑦ ᐊᑭᓕᐅᑕᐅᔪᑦ ᐱᔭᒥᓃᑦ ᐅᖓᑖᓄᑦ 15 ᐊᕐᕌᒎᔪᓄᑦ. ᐸᐸᑦᑎᕕᐅᔪᖅ ᑕᒪᐃᓐᓂ ᑲᑎᓕᒫᖅᑐᒋᑦ ᐊᑭᓕᖅᑕᐅᓚᐅᙱᓚᑦ ᑕᐃᑲᓃᑦᑐᓄᑦ ᓄᓇᑖᕐᓂᕐᒧᑦ ᐊᖏᕈᑎᓄᑦ ᐅᖃᖅᓯᒪᔪᑦ ᐋᖅᑭᓱᖅᓯᒪᓂᖏᑦ 29-2 ᐊᖏᕈᑎᒥ ᑲᓇᑕᒥ ᒐᕙᒪᖏᑦ ᐱᓯᒪᑦᑎᓐᓂᕐᒪᖓ ᐃᓚᖓᓂᒃ ᐊᕐᕌᒍᑕᒫᑦ ᓄᓇᑖᕐᓂᕐᒧᑦ ᐊᑭᓕᐅᑎᒃᓴᓄᑦ ᐊᑭᓕᖅᓱᖅᑕᐅᒃᑲᓐᓂᖁᓪᓗᒋᑦ ᐃᓚᖏᑦ ᓄᐊᒃᓯᒪᔪᑦ ᐋᔩᕋᕐᓂᕐᒧᑦ ᐊᑐᖅᑐᐊᖅᑕᒥᓂᖅ ᓄᐊᒃᑐᒥᓂᐅᔪᖅ ᓄᓇᑖᕐᓂᕐᒧᑦ ᐊᖏᕈᑎᒃᓴᖓᓂᒃ ᐋᔩᕋᕐᓇᐅᑎᓪᓗᒍ ᐃᓄᖕᓄᑦ ᐋᔩᕋᖅᑏᑦ ᑲᑐᔾᔨᖃᑎᒌᖏᑦ, ᑐᙵᕕᒃ ᑎᒥᖓ ᓄᓇᕗᒻᒥ (ᐋᖅᑭᓱᖅᓯᒪᓂᖏᑦ 29-3). ᓄᓇᑖᕐᓂᕐᒧᑦ ᐊᑭᓕᐅᑏᑦ ᑖᒃᓰᔭᐃᓚᐅᖅᑎᓪᓗᒋᑦ ᑕᐃᒃᑯᐊ ᐋᔩᕋᕐᓂᕐᒧᑦ ᐊᑐᖅᑐᐊᕋᒃᓴᓄᑦ ᐊᑭᓕᖅᓱᖅᑕᐅᓂᖏᑦ ᐊᒥᓲᓂᖏᑦ ᐊᑭᑐᔫᑎᒋᔭᐅᓕᖅᑐᑦ ᐸᐸᑦᑎᕕᐅᔪᒥ.
| ᓄᓇᑖᕐᓂᕐᒧᑦ ᐊᑭᓕᐅᑏᑦ ᐊᒻᒪᓗ ᐋᔩᕋᕐᓂᕐᒧᑦ ᐊᑐᖅᑐᐊᕈᑏᑦ ᐊᑭᓕᖅᓱᖅᑕᐅᓂᖏᑦ | ||
|---|---|---|
| ᐊᕐᕌᒍᒥ ᐊᑭᑐᔫᑏᑦ ᐱᔭᒥᓃᑦ | ᐊᒥᓲᓂᖏᑦ ᐱᔭᒥᓃᑦ | ᐋᔩᕋᕐᓂᕐᒧᑦ ᐊᑐᖅᑐᐊᕈᑏᑦ ᐊᑭᓕᖅᓱᖅᑕᐅᓂᖏᑦ |
| 1990 | $2,000,000 | $0 |
| 1991 | $1,000,000 | $0 |
| 1992 | $0 | $0 |
| 1993 | $79,307,736 | $0 |
| 1994 | $50,895,504 | $2,913,834 |
| 1995 | $67,860,673 | $3,885,112 |
| 1996 through 2004 | $84,825,841 | $4,856,389 |
| 2005 | $67,860,673 | $3,885,112 |
| 2006 | $50,895,504 | $2,913,834 |
| 2007 | $34,617,895 | $1,942,556 |
ᐊᑭᑐᔫᑎᓄᑦ ᐱᔪᖃᒃᑲᓐᓂᓚᐅᖅᓯᒪᙱᓚᖅ ᐸᐸᑦᑎᔨᓄᑦ ᑭᖑᓪᓕᖅᐹᒥᒃ ᓄᓇᑖᕐᓂᕐᒧᑦ ᐊᑭᓕᐅᑕᐅᔪᖃᓚᐅᖅᑎᓪᓗᒍ ᒪᐃ 2007−ᒥ. ᑕᒪᓐᓇ ᑐᑭᓕᒃ ᐸᐸᑦᑎᔨᐅᔪᑦ ᐱᔭᕇᖅᓯᔭᕆᐊᓖᑦ ᐱᓇᓱᐊᒐᖏᖕᓂᑦ ᓴᖅᑮᓂᖏᑎᒍᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᖃᓄᐃᓕᐅᕈᑎᒋᔭᐅᓯᒪᓂᖏᑦ.
ᐸᐸᑦᑎᔨᒃᑯᑦ ᐸᐸᑦᑎᔨᑖᖅᑎᑦᑎᔨᖓ, ᐃᓄᒃ ᐱᖁᔭᖅᑎᒍᑦ ᐋᖅᑮᓲᖅ ᐸᐸᑦᑎᔾᔪᑎᒃᓴᒥᒃ, ᒪᓕᒐᓕᕆᔨᐅᓚᐅᖅᓯᒪᕗᖅ ᐃᖅᑲᓇᐃᔭᖅᑐᓂ ᑭᒡᒐᖅᑐᐃᓪᓗᓂ ᐃᓄᖕᓂᒃ ᐋᖅᑮᖁᓪᓗᒋᑦ ᐊᒻᒪᓗ ᑐᓂᓯᓗᑎᑦ ᑕᒪᐃᓐᓂ ᑎᑎᖅᑲᓕᒫᓂᑦ ᑐᓂᔭᕆᐊᖃᓲᖏᑦ ᐋᖅᑮᖁᓪᓗᒋᑦ ᓄᓇᕗᒻᒥ ᐸᐸᑦᑎᔨᒃᑯᓐᓂᑦ. ᐱᔭᕇᖅᑕᐅᓚᐅᖅᑎᓪᓗᒍ ᐋᖅᑭᒃᑕᐅᓂᖓ ᐸᐸᑦᑎᔨᒃᑯᑦ, ᐸᐸᑦᑎᔨᑖᖅᑎᑦᑎᔨᖓ ᖃᓄᐃᓕᐅᕈᑎᒃᓴᖃᕈᓐᓃᓚᐅᖅᓯᒪᕗᖅ ᐊᐅᓚᑕᐅᓂᖓᓂᒃ ᐸᐸᑦᑎᕝᕕᐅᔪᒥᒃ.
ᑕᒪᐃᓐᓂ ᐸᐸᑦᑎᔨᒃᑯᑦ ᑮᓇᐅᔭᖅᑖᖅᑐᒃᓴᐅᕗᑦ ᑭᒡᒐᖅᑐᐃᔪᑦ ᑕᐃᒃᑯᐊ ᐸᐸᑦᑎᔨᒃᑯᑦ ᐱᖁᑎᖏᑦ ᐊᐅᓚᑕᐅᓲᖑᓪᓐᓗᑎᑦ ᐊᒻᒪᓗ ᐱᓲᑦ ᐊᑭᓕᐅᑕᐅᔾᔪᑎᓂᑦ ᑕᐃᑲᙵᑦ ᐸᐸᑕᐅᕝᕕᐅᔪᒦᙶᕆᐊᖃᖅᑕᖏᖕᓂᒃ. ᓄᓇᕗᑦ ᐊᕕᑦᑐᖅᓯᒪᓂᖓᓂᒃ, ᐊᑯᓂᐅᓂᖏᑦ ᐊᑎᖃᖅᑎᑕᐅᔪᑦ ᐅᖃᐅᓯᖃᓲᑦ ᐃᓄᐃᑦ ᐊᑐᓂ ᐊᑎᓕᐅᖅᓯᒪᔪᑦ ᓄᓇᕗᒻᒥ ᐊᖏᕈᑎᒧᑦ ᐊᒻᒪᓗ ᐃᓚᖓᒍᑦ ᑕᒪᓐᓇ ᓇᓗᓕᕈᑕᐅᓲᖅ ᐊᑯᓂᐅᓂᖏᑦ ᐊᑐᖅᑕᐅᓚᐅᖅᑎᓪᓗᒋᑦ ᓄᓇᕗᒻᒥ ᐸᐸᑦᑎᔨᒃᑯᑦ ᐱᔾᔪᑎᒋᓪᓗᒋᑦ. ᐸᐸᑦᑎᔨᐅᔪᑉ ᐊᑎᓕᐅᖅᓯᒪᔪᖁᑎᖏᑦ ᒪᓕᑦᑐᒋᑦ ᖃᓄᐃᓕᐅᕈᑎᒋᔭᐅᔭᕆᐊᓖᑦ ᑎᑎᖅᑲᓕᐊᕆᔭᐅᓯᒪᔪᑉ, ᐸᐸᑦᑎᔨᑉ ᑎᑎᖅᑲᖁᑎᕐᔪᐊᖓᑦ, ᐊᑕᐅᓯᑑᔭᕆᐊᖃᕐᒪᑦ ᐅᖓᑖᓄᓪᓘᓐᓃᑦ ᑯᐊᐳᕇᓴᐅᔪᑦ ᐅᕝᕙᓘᓐᓃᑦ ᐸᐸᑦᑎᔨᐅᔪᑦ, ᐋᖅᑭᒃᑕᒥᓂᐅᕗᑦ ᐃᑲᔫᑕᐅᖁᓪᓗᒋᑦ ᓄᓇᕗᒻᒥᐅᑦ ᐃᓄᐃᑦ. ᐃᓄᐃᑦ ᑮᓇᐅᔭᖅᑖᖅᑐᒡᒍᑕᐅᓂᐊᙱᑦᑐᑦ ᐊᑐᓂ ᐸᐸᑦᑎᔨᐅᔪᒥ. ᐊᑎᓕᐅᖅᑕᐅᓯᒪᖃᑕᐅᔪᑦ ᑮᓇᐅᔭᖅᑖᑐᒃᓴᒫᑦ ᓄᓇᕗᒻᒥ ᐸᐸᑦᑎᔨᖓᓂᒃ ᐱᖁᔭᖅᑎᒍᑦ ᑎᒃᑯᐊᖅᑕᐅᓯᒪᕗᑦ ᑕᐃᒃᑯᑎᒎᓇᖅ ᐸᐸᑦᑎᔨᐅᔪᑉ ᑎᑎᖅᑲᖁᑎᕐᔪᐊᖓᑎᒍᑦ, ᐅᕝᕙᓘᓐᓃᑦ ᑭᖑᓂᐊᒍᑦ ᓄᓇᕗᒻᒥ ᐸᐸᑦᑎᔩᑦ ᐸᐸᑦᑎᔨᖁᑎᒃᓴᖓ ᐱᖁᔨᕗᖔᕈᑎᑎᒍᑦ ᐊᒻᒪᓗ ᐅᖃᐅᑕᐅᓗᐊᓲᑦ ᐸᐸᑦᑎᔩᑦ ᐃᑲᔫᓯᐊᖅᑖᑐᒃᓴᒫᑦ ᑲᑐᔾᔨᖃᑎᒌᖏᑦ. ᐅᓪᓗᒥᐅᔪᖅ ᐸᐸᑦᑎᔩᑦ ᒪᕐᕉᖕᓂᒃ ᑮᓇᐅᔭᖅᑖᑐᒃᓴᒫᖅᑖᖅᑐᖁᑎᓖᑦ:
ᓄᓇᕗᑦ ᑐᙵᕕᒃ ᑎᒥᖓ ᐃᓛᒃᑰᖓᕗᖅ, ᑲᓇᑕᒦᑦᑐᓂ, ᖃᑭᒍᑎᒃᓴᓕᐅᕋᓱᐊᙱᑦᑐᑦ, ᐃᓚᒋᔭᐅᔾᔪᑎᑖᕐᕕᒃᓴᐅᙱᑦᑐᓂ ᑯᐊᐳᕇᓴᐅᔪᖅ ᐱᓇᓱᐊᒐᓖᑦ ᐋᖅᑭᒃᓱᐃᓗᑎᑦ ᐊᐅᓚᑦᑎᓗᑎᓪᓗ ᐃᓄᐃᑦ ᑲᒪᒋᔭᕆᐊᓕᖏᖕᓂᑦ ᐋᖅᑭᒃᑕᐅᓯᒪᔪᑦ ᓄᓴᕗ ᐊᖏᕈᑎᖓᓂᒃ ᐊᒻᒪᓗ ᖃᐅᔨᒪᓇᑦᑎᑦᑎᑦᑎᐊᓲᑦ ᑲᓇᑕᑉ ᐊᒻᒪᓗ ᓄᓇᕗᑦ ᒐᕙᒪᖏᑦ ᐱᓕᕆᒐᓗᐊᕐᒪᖔᑕ ᐱᖁᔭᖅᑎᒍᑦ ᖃᓄᐃᓕᐅᕆᐊᖃᖅᓯᒪᓂᖏᑦ ᒪᓕᑦᑐᒍ ᓄᓇᕗᑦ ᐊᖏᕈᑎ. ᓄᓇᕗᒻᒥ ᐃᓐᓇᑐᖃᐃᑦ ᐃᓄᑐᖃᖅᑐᖅᓯᐅᑏᑦ ᐸᐸᑦᑎᕕᖓ ᑲᓇᑕᒥ ᐊᑎᓕᐅᖅᓯᒪᔫᕗᖅ ᑮᓇᐅᔭᓂᑦ ᑐᓐᓂᖅᑯᓯᐊᓲᖅ ᐋᖅᑭᒃᑕᐅᓯᒪᔪᑦ ᐱᔾᔪᑎᖃᖅᑐᑎᑦ ᑮᓇᐅᔭᖅᑎᒍᑦ ᐃᑲᔫᓯᐊᖅᑖᑎᑦᑎᓲᖅ ᐊᑭᓕᖅᑕᐅᖃᑦᑕᖁᓪᓗᒋᑦ ᐃᓄᐃᑦ ᑮᓇᐅᔭᖅᑖᕈᓐᓇᖅᑐᑦ ᐃᓄᑐᖃᖅᓯᐅᑎᖏᖕᓂᑦ 55−ᓂᑦ ᐅᑭᐅᖅᑖᕋᐃᒻᒪᑕ.
ᑮᓇᐅᔭᓂᑦ ᐱᔪᒃᓴᒫᑦ ᑲᑐᔾᔨᖃᑎᒌᒃ ᑮᓇᐅᔭᖅᑖᓲᑦ ᑮᓇᐅᔾᔭᒃᓵᕆᔭᐅᓂᕋᖅᑕᐅᓪᓗᑎᑦ ᑕᒪᒃᑯᐊᓗ ᓇᓗᓇᐃᖅᑕᐅᓲᑦ ᐸᐸᑦᑎᔨᖏᖕᓄᑦ ᓄᓇᕗᑦ ᐸᐸᑦᑎᕕᖓᓂᒃ ᑭᓯᐊᓂᓕ ᐱᔪᓐᓇᙱᑦᑐᑦ ᐅᕝᕙᓘᓐᓃᑦ ᐊᐅᓚᑦᑎᔪᓐᓇᙱᑦᑐᑦ ᑕᒪᒃᑯᓂᖓ ᐱᖁᑎᓂᑦ ᐅᕝᕙᓘᓐᓃᑦ ᐊᐅᓚᑕᐅᓂᒃᓴᖓᓂᒃ ᐸᐸᖅᑎᕕᐅᔫᑉ. ᐸᐸᑦᑎᔩᑦ ᑕᒪᐃᓐᓂ ᐱᖁᔭᖅᑎᒍᑦ ᑲᒪᒋᔭᓖᑦ ᐊᐅᓚᑦᑎᓗᑎᑦ ᐸᐸᑦᑎᕕᐅᔪᓂᑦ ᐊᒻᒪᓗ ᑐᓂᐅᖅᑲᖅᑕᐅᔪᒃᓴᑦ ᐊᒥᓲᓂᖏᑦ ᑮᓇᐅᔾᔭᒃᓵᕆᔭᐅᔪᓐᓇᖅᑐᑦ ᐊᑐᐃᓐᓇᐅᒪᔪᑦ ᐃᑲᔫᓯᐊᖅᑖᓲᕐᓄᑦ ᐊᑭᓕᐅᑕᐅᓗᑎᒃ ᑲᑐᔾᔨᖃᑎᒌᒃ.
ᑕᒪᐃᓐᓂ ᓄᓇᕗᒻᒥ ᐸᐸᑦᑎᔨᒃᑯᑦ ᑮᓇᐅᔾᔭᒃᓵᖏᑕ ᐊᑐᐃᓐᓇᐅᒪᔪᑦ ᐊᑭᓕᐅᑕᐅᓗᑎᑦ ᐊᕐᕌᒍᑕᒫᑦ ᑐᓂᔭᐅᔭᕆᐊᓖᑦ ᐊᑭᓕᐅᑕᐅᓗᑎᑦ ᐊᑦᑎᖅᑕᐅᓯᒪᔪᓄᑦ ᑮᓇᐅᔭᖅᑖᕈᓐᓇᖅᑑᓐᓄᒃ ᑲᑐᔾᔨᖃᑎᒌᖕᓄᒃ ᒪᓕᑦᑐᒋᑦ ᖃᓄᐃᓕᐅᕈᑎᒋᔭᐅᔪᒃᓴᖏᑦ ᐸᐸᑦᑎᓂᕐᒧᑦ ᑎᑎᖅᑲᕐᔪᐊᖓᑦ. ᑲᒪᒋᔭᕆᐊᖃᕐᒪᒍ ᑖᒃᑯᐊᒃ ᑮᓇᐅᔭᖅᑖᑐᒃᓴᒫᑦ ᐊᑎᓕᐅᖅᓯᒪᔫᒃ ᑲᑐᔾᔨᖃᑎᒌᒃ ᐃᓱᒪᓕᐅᕐᓗᑎᒃ ᖃᓄᖅ ᐱᐅᓛᒃᑯᑦ ᐊᑐᖅᑕᐅᔪᒃᓴᐅᒻᒪᖔᑕ ᑮᓇᐅᔭᖅᑖᖏᑦ ᑕᐃᑲᙶᖅᑐᑦ ᐃᑲᔫᑕᐅᖁᓪᓗᒋᑦ ᓄᓇᕗᒻᒥᐅᑦ ᐃᓄᐃᑦ.