Havaaghalgit Katiqhuiviit taimaa manighaqhiurutigiyaamik Katiqhuivium nanminiinit kivgaqtuqhugit qimmakuuqtauyughat timiqutit. Taimaa, Katimayiit ikkuaqtuqtauniaqtut pingahunit atuqtaulluaqtunik maliktaghanik.
- Manighaqhiurutighanik qiniqhiayughat ihumatuyutut inuktut.
- Manighaqhiuqtughat manighiurutighanik naamayunik ukiuq tamaat taimaa qimmakuuqtauyughat timiqutit munaqtaghainik iniqhiyumaaqtut Inungnut Nunavunmi.
- Iniqhinahuaqtughat taimaa akighaita naallugit manighaita Katiqhuivium aulayaami $1-taalami 1990-mitut.
Ayuqnaittukkut, Katiqhuiviit amigaitqiyanik manighaqhiurutiginahuaqpagait qimmakuuqtauyughat timiqutinut taapkua Katiqhuiviit akiliqtuilaaqtainik ukiuq tamaat munariplugu Katiqhuivium nanminiit akittuqpalliayumi. Naatkutigiigahuaqhugit ihariagiyait manighaqhiurutighanut taapkununnga munaqtaghariyainut akittuqpaalliqtunut ayuqnaqhivaktuq kihimi ihariagiyauyuq Katiqhuivingnut taimaa iniqhiyaamik havaaghainik. Tamangnik iniqtaghat iniqtaghariyauyut, aippaa nutqaqtitaulaittuq aippaa aulapkaiyaamik. Akittuqtitpalliayaamik akighaita Katiqhuivium nanminiit taimaa avvaagut akittuqpallianiq nutqautiqaqpaktuq qanuq akiliqtuiyaaghainik Katiqhuiviit.
Taapkua Katimayiit, havakluaqhutik qauyihaiplutik maniliqiniqmiklu havauhiqaqhutik, ihumaliuqhimayut taimaa akituniqhait akiliqtulaaqtait Katiqhuiviit tuniqhaktaulutik ukiuq tamaat, havaaghaita Katiqhuiviit iniqpaghugit huli, taimaittuq 4%. Katiqhuvium manighaqhiurniqmut havaaghait hanayauhimayuq hapkua akiliqtaghat akighaigut naahuriyauyunillu akittuqpallianiqmit. Ayuqnaittumik akiliqhiqattariamik, tunngavia atuqtauyuq avvaanit 4% ukiuq tamaat akighautauvaktuq Katiqhuivium nanminiinut taapkununnga 20-nguyut avvait nunnguani September 30-mi aippaanganianit.
