Aulattiaqhutik nakuuyumik ataniqtuqtauplutik manighaqhiuqtit hannaviinit, Katimayiit ilihimayaghalgit qauhimalutiklu ilihimattiariamik ayuqnaittut manighaqhiurutit, manighaqhiurniqmik, nanminiqnik, maniliqiniqmiklu qanuqlu taapkua ihumaaluutit ihuilutauvagiaghait Katiqhuivingnut havaaghainik iniqhiyaamik. Taapkua pitquyauhimayut, ahiagut munaqtaghariyait hapummihimayaamik naupkaiyaamiklu Angirutinut Akighait tamangnut hivunighami qatanngutighainut Inuit Nunavunmi, havaaghait Nunavut Katiqhuiviat Katimayiit ayuqnaqhivaktut aittuqnaqhuniklu. Taapkua inuit katimayiuyut uqumaittumik ihumaaluutiqaqpaktut tuimingnit kihimi quviahuutigivagait iniqhimayaita Katiqhuivium uplumimut.

Katimayiit hakugiktumik havauhiqattiarniqmut maliktaghalgit iniqhinahuaqpaghutik havaaghainik taimaalu havaaghaita Katiqhuivium iniqniaqhimayaghait tamaat ahinit ihumaliuqtaghanit. Tamangnik Katimayiit kivgaqtuivaktut tamangnik ingilraanitanit, uplumiqnitanit, hivunighamilu Inungnut Nunavunmi inirahuaqhugit havaaghaita, taapkuanginnaunngittunik inungnut aviktuqhimaqatainik havaaghanik tikkuaqtauhimaviinit.

Tamangnik pingahuuyut Aviktuqhimayumi Inuit Katimayiit Nunavunmi tikkuaqhivaktut malrungnik katimayighanik katimayiinut Nunavut Katiqhuiviit pingahunik ukiunik havaktughanik. Katimayiit tikkuatqiktaulaaqtut havakvighaita iniqpat. Katimayiit inmingnik tikkuatuilaaqtut Ighivautalighamik Tuklianiklu talvanngat tajja katimayiuyunit. Tajja Katimayiuyut taapkuanguyut:

Archie Angnakak	tikkuaqtauhimayuq taapkuninnga Qikiqtani Inuit Katimayiit, Ighivautalik
James Arreak	tikkuaqtauhimayuq taapkuninnga Qikiqtani Inuit Katimayiit
Tagak Curley	tikkuaqtauhimayuq taapkuninnga Kivalliq Inuit Katimayiit
Nancy Karetak-Lindell	tikkuaqtauhimayuq taapkuninnga Kivalliq Inuit Katimayiit
Kassidy Koaha-Laube	tikkuaqtauhimayuq taapkuninnga Qitiqmiut Inuit Katimayiit
Clara Wingnek	tikkuaqtauhimayuq taapkuninnga Qitiqmiut Inuit Katimayiit, Tuklia Ighivautalik

Katimayiit ukiuni atuqhimayunit havakluaqpaghimayut ikayurahuaqhugit Katiqhuivik hakugiktumik havaaghaqaqhutik. Ilangi katimayiughaaqtut 15-nik ukiunik ahiillu nanngariyauyut Katimayiit katimayiuhimaplutik atauhiqmik ukiumik. Ilitariyaqqut tamangnik katimayiuhimayut quyagiplugillu kivgaqtuqhugit Inuit Nunavunmiut ikayuutainut.